之前《娱乐直播》专访咗《最紧要正字》嘅三个主持。
　　当问到各人做咗呢个节目之后，有冇特别留意咗边啲字嘅写法嘅时候，徐淑敏就话留意咗应该系“畀”，而唔系“俾”。
　　而家好多人喺表达“给予”嘅时候系用咗呢个“俾”字，但其实系错嘅。“俾”字嘅意思系“使”（达到某种效果），例如“俾便考查”、“俾众周知”、“俾有所悟”。
　　“俾”作名词用时，本义系门役。《说文》：门侍人。职务之卑也。《释言》：俾，职也。俾为门侍人。《书·尧典》：有能俾。《书·君》：罔不率俾。
　　“俾”作动词用时，解作“使，把”，相当于英语中嘅ｍａｋｅ。《说文》：门侍人。职务之卑也。亦义为“使”，如“俾众周知”。乙本作“卑”，通行本作“譬”。
　　《诗·小雅·天保》：俾尔单厚。《诗·邶风·日月》：俾也可忘。《道德经》道篇第３２章《知止》：俾道之在天下也，犹小浴之与江海也。《左传·成公十三年》：敢尽布之执事，俾执事实图利之。《聊斋志异促织》：又嘱学使俾入邑庠。清·方苞《狱中杂记》：苟入狱，不问罪之有无……俾困苦不堪。
　　“俾”解作“把”嘅时候，通常都会用于“俾夜作昼”（将夜晚当作白天，形容夜以继日噉工作），或者“俾昼作夜”（将白昼当成夜晚，形容不分昼夜噉寻欢作乐）。
　 “俾”喺《康熙字典》里面系噉样嘅：
　　【子集中】【人字部】　俾
　 【唐韵】幷弭切【韵会】补弭切，？音髀。【说文】益也。一曰俾，门侍人。【尔雅·释诂】俾，使也。
　 【书·大禹谟】俾予从欲以治。【诗·鲁颂】俾尔昌而炽。　又【广韵】从也。【书·武成】罔不率俾。
又【尔雅·释言】俾，职也。【注】使共职也。　又【集韵】賔弥切，音卑。汉安定郡安俾县。
　　又毗至切，鼻去声。俾倪，衺视貌。通作睥睨。【史记·信陵君传】侯生下，见其客朱亥俾倪，故久立与城上女墙。埤堄作僻倪，音通义别。
　　考证：〔【诗·鲁颂】俾尔昌尔炽。〕　谨照原文昌尔改昌而。
　　“俾”常用嘅词组有“俾倪”，意思有两个。第一个系指城墙上齿状嘅矮墙：俾倪广三尺，高二尺五寸。（出自《墨子·备城门》）另一个系斜视，带有厌恶或轻蔑嘅意思：俾倪故久立，与其客语。（出自《史记·魏公子列传》）
　　“俾”字嘅五笔编码系ＷＲＴＦ，仓颉编码系ＯＨＨＪ，笔顺编号系３２３２５１１３１２，四角号码系２６２４０，拼音系ＢＩ。
　　而“畀”字就真系解作“给与”嘞！
　　《诗·鄘风·干旄》：彼姝者子，何以畀之。《左传·僖公二十八年》：分曹卫之田以畀宋人。
　　《说文·丌部》畀：相付与之。约在阁上也。从丌甶声。必至切。
　　“畀”喺《康熙字典》里面系噉样嘅：
　　【午集上】【田字部】　畀
　　〔古文〕畁【集韵】必至切【正韵】浦至切，？音比。【尔雅·释诂】畀，赐也。【书·洪范】不畀洪范九畴。【传】畀，与也。【诗·衞风】彼姝者子，何以畀之。【传】畀，予也。
　　又人名。楚昭王妹季芉，字畀我。见【左传·定四年】。　【正韵】从田从丌，或从廾，误。
　　“畀”字除咗作动词用之外，重可以作介词：被；受；让；用。例如：畀人见到（被人看见）；畀嗰个人
呃咗（受那个人骗了）；畀你入嚟（让你进来）；畀墨水笔写（用钢笔写）。
　　“畀”字亦可以作连词用，通常会同个“着”字连用，表示假设。例如：畀着系你，你会点做？（假如是你，你会怎么做？）
　　“畀”字嘅五笔编码系ＬＧＪＪ，仓颉编码系ＷＭＬ，笔顺编号就系２５１２１１３１２，四角号码则系６０２２１，拼音系ＢＩ。
　　虽然“畀”同“俾”喺广州话里面嘅读音系一样，都系读“比”，但系意思就好唔同，将“畀”嘅意思嘅字写成“俾”，相信系受以前香港报纸杂志或者电影字幕嘅影响。
　　有人会话：“我见好多人都系噉写，所以我都系噉写，有咩问题先？大家明个意思就得啦。”
　　我想请问：系唔系好多人食烟，你又跟住去食，食到有气管炎，甚至生埋肺癌，先知个“死”字点写吖？
　　多人做嘅嘢未必都系啱嘅，我哋应该从善如流，而唔系以一种羊群心态，跟住人哋向错误嘅方向走。有时真理真系掌握喺少数人手里面。