妈咪姐
关咏荷难得四正
欧阳波比早排酒精入肺死过翻生，搞到佢拍紧嘅《情逆三世缘》要停厂两个礼拜，直至最近先开番工。
依家有型
当日同囡囡行街嘅关咏荷少有执得咁正，仲衬晒色配埋副黑超，即时似番个明星。
Bobby入厂大修，相反拍档关咏荷「因祸得福」多咗个假期，之前拍剧大嗌辛苦，终於可以休息下。唔知系咪唞到足精神好，早前妈咪姐喺中环见到荷姐同囡囡 Brittany行街。平时着开牛记笠记街坊装嘅佢，当日着上啡色长裙配以同色短褛，另衬上黑色长 boot，有型又有款，星味即刻返晒嚟。难怪佢周围同人讲，话多得老死病得及时啦！
荷姐无端端多咗个假期，囡囡亦得益，开心到行住街都同阿妈讲唔停。
以前乌 Wet
牛记笠记都可以着得好潮，但荷姐着得求其又唔衬色，加上素颜唔化妆，有点不修边幅。
多得我病，你先变番咁索咋！（设计对白）
想我索啲，你咪病多啲罗。（设计对白）
《情逆三世缘》近日复工，大病初愈嘅 Bobby表现活跃，仲作状跳海，荷姐亦配合交足表情。
