Cib it diemj gvaq buenq ,
Raeuz deng cuenq raeuqninz ;
Seizneix mbwn hix hwnz ,
Seiqlengq vunz cungj cingx .

Haemh ninz mbonq mbouj ndaek ,
Cuenq baek youh gvaq sae ;
Mij rox vih diuz lawz ,
Sim caenh gyaez mwngz nuengx .

Naek nuengx coq gyang haij
Lau vaij bae mij ndaej
Naek nuengx coq simfaex
Lau go faex de roz
Naek nuengx coq naz nya
Yax lau baz fwx raeq
Go faiz soh lienz sang
Naek nuengx coq caz rangz
Lau duz guengq bae dwk
Yax lau lwg fwx mbwt bae gwn
Naek nuengx coq byai bak coenz fwen
Ngoenz dwen haet daengz haemh

Mbwn cengx baenz neix lai
Aen hai cungj mij ok
Ndiep nuengx raemx da doek
Gag dog dwen youx lwnz

Hwnz neix roengz naefaiq
Boux maij go youq gyawz
Lamq beix baenz vunz yawz
Gag dawz muengx daengz roengh

Gou yeak gawx fwen mboengq ndeu .

Rumzbaek ci daeuj nit ,
Gou hix gik hwnqninz ;
Gangj daengz sauq neix vunz ,
Lienz donq gwn mbouj cawj .

Laemxlemh caiq gvaq ndwen,
Guh hot fwen daeuj geiq;
Gangj daengz naeuz saedceij,
Bae heih gvaq raemxrongz.

看不懂

Ngeihsam nyaengq caep cauq,
Ngeihseiq yungj sauq ranz;
Cam beixnuengx doengzban,
Ranz sou guhlawz gvaq?!

Ngoenzneix dwg laebcin,
Mbwn yaep fwn yaep rongh;
Da'ngoenz mbouj ok congh,
Vunz muengh ndit gvaq cieng.

Hoh gyoengq beixnuengx bi moq angqyangz ,gwn van youq ndei!guh maz maz baenz !ngoenz ndei gvaq ngoenz !祝亲朋好友新年快乐!阖家幸福!事事顺利!一天比一天好!!!

Vunz eufwen nyauqnyauq ,
Gou nanz nyeuq ndaej hingz ;
Beixnuengx gaej yiemz sing ,
Ndwen roek hing caengz geq .

Siengj nuengx dwk ok ae,
Gyaez nuengx dwk ok bingh;
Buenq moengzloengz buenq singj,
Caeklaiq mingh raeuz niu.
Yied siengj yied haeujlaeg.
Yied naek yied haeujsim;
Ngoenz lumj naengh byai cim,
Hwnz dangq ninz byai cuenq.

Ndaej lauxsae daeuj danq ,
Raeuz cix angq raen ndei ;
Fwen hot dinj gawq raez ,
Dawz lai di roengz daeh .