Manju gurun I da,golmin xanggiyan alin I xun dekdere ergi bukuuri gebungge alin,bulhuuri gebungge omoci tucike,tere bukuuri alin I dade bisire bulhuuri omo de abkai sargan jui enggulen jenggulen fekulen ilan nofi ebixeme jefi,muke ci tucifi,etuku etuki sere de,fiyangguu sargan jui etukui dele enduri saksaha I sindaha fulgiyan tubihe be bahafi na de sindaci hairame angga de axufi etuku eture de axuka tubihe bilha de xuwe dosifi gaitai andande beye de ofi wesihun geneci ojorakuu hendume,mini beye kuxun ohobi,adarame tutara sehe manggi,juwe eyun hendume,muse lingdan okto jekebihe,bucere kooli akuu sinde fulingga bifi kuxun ohobidere,beye weihuken oho manggi jio seme hendufi genehe.