今日有大廚出馬．．．．．「馬神」馬德鐘呀!
馬神為紀念亡父，同兄姊一直有意搞生意，結果佢哋就同心協力，斥資咗7位數字喺尖沙嘴開咗日本高級餐廳「松」，仲用亡父之名紀念佢。餐廳日前開業，馬神近日忙完內地拍攝工作，即返港到新店助陣做生招牌。
平日係家中廚神嘅馬神，仲跟師傅學整壽司，擅於煮西餐嘅馬神，手握壽司雖然有難度，但都冇考起佢，馬神跟住師傅教路嘅每個步驟，整出嚟嘅壽司都似模似樣。馬神成功整完佢人生第一碟壽司，就梗係要坐低食番嘆下，見佢食得好滋味。
馬神食飽就帶《蘋果》參觀新店，全店裝修以深色為主，馬神話面積約1800呎，除咗有壽司吧枱，仲有一間VIP房，佢話：「餐廳裝修到設計，我都有花心思畀意見，籌備食肆難度好高，但搞咗出嚟就好有成功感。」馬神話餐廳招牌係佢親自題字，估唔到佢書法都唔錯。
馬神形容日本餐廳喺佢嘅新生BB，佢話：「當然要呵護多啲，我有時間仲親自落舖招呼客人，親力親為，又可以同客人多啲互動。我成日喺度㗎，大家記住得嚟撞下我。」馬神話餐廳希望不久將來不停開，不過今年內，暫時將心機時間搞好第一間，然後下一步就去港島開分店。
馬神大講生意經，佢話：「食肆預咗要守，如果一開就賺錢，個個都做，至緊要用心經營。」其實馬神早年都喺沙嘴開咗傢俬店，生意上晒軌道，o依家餐廳仲喺附近，佢出開嚟就可以一次巡晒兩間舖。面對香港近年經濟唔好，馬神逆巿開高級日本餐廳，佢好有信心咁話：「經濟差，咁大家買袋、買衫買少啲，做嘢做得咁辛苦，最好係食番餐好獎勵自己。」
馬神為紀念亡父，同兄姊一直有意搞生意，結果佢哋就同心協力，斥資咗7位數字喺尖沙嘴開咗日本高級餐廳「松」，仲用亡父之名紀念佢。餐廳日前開業，馬神近日忙完內地拍攝工作，即返港到新店助陣做生招牌。
平日係家中廚神嘅馬神，仲跟師傅學整壽司，擅於煮西餐嘅馬神，手握壽司雖然有難度，但都冇考起佢，馬神跟住師傅教路嘅每個步驟，整出嚟嘅壽司都似模似樣。馬神成功整完佢人生第一碟壽司，就梗係要坐低食番嘆下，見佢食得好滋味。
馬神食飽就帶《蘋果》參觀新店，全店裝修以深色為主，馬神話面積約1800呎，除咗有壽司吧枱，仲有一間VIP房，佢話：「餐廳裝修到設計，我都有花心思畀意見，籌備食肆難度好高，但搞咗出嚟就好有成功感。」馬神話餐廳招牌係佢親自題字，估唔到佢書法都唔錯。
馬神形容日本餐廳喺佢嘅新生BB，佢話：「當然要呵護多啲，我有時間仲親自落舖招呼客人，親力親為，又可以同客人多啲互動。我成日喺度㗎，大家記住得嚟撞下我。」馬神話餐廳希望不久將來不停開，不過今年內，暫時將心機時間搞好第一間，然後下一步就去港島開分店。
馬神大講生意經，佢話：「食肆預咗要守，如果一開就賺錢，個個都做，至緊要用心經營。」其實馬神早年都喺沙嘴開咗傢俬店，生意上晒軌道，o依家餐廳仲喺附近，佢出開嚟就可以一次巡晒兩間舖。面對香港近年經濟唔好，馬神逆巿開高級日本餐廳，佢好有信心咁話：「經濟差，咁大家買袋、買衫買少啲，做嘢做得咁辛苦，最好係食番餐好獎勵自己。」
