【愛駒拎18萬獎金】「快樂實在」排第2！馬德鐘：希望下次會跑出
「馬神」馬德鐘、陳玉蓮等人合夥團體馬「快樂實在」今日喺沙田馬場再次上陣，跑第六場四班1400米賽事，年僅三歲的4.3倍大熱門「快樂實在」在新配搭郭能胯下，追足半條直路都出唔到頭，跑第二仍有184,800元獎金，「快樂實在」累積4戰得2亞1殿1第五。
馬德鐘同太太張筱蘭都有去現場，為愛駒打氣，佢哋仲一齊著「情侶藍」，認真夠晒襯，馬德鐘接受訪問時就話佢同太太冇夾過着咩衫，係大家各自揀，對於今次賽果，馬德鐘就話：「滿意嘅！滿意嘅！不過個排位唔係幾好，所以影響咗成績，我覺得今次係有機會，希望下次會跑到出嚟。」
