入行21年嘅姚子羚，9年前凭《张保仔》夺「最佳女配角」，演技早被认定。最近她于剧集《反黑英雄》中饰江湖大嫂，遭打毒针后抛下海，抽搐动作及表情获赞，被网民力推做今年视后！好姊妹胡杏儿眼见子羚终于上到位力挺她，在「胡説八道会」群组笑住发声，竟叫劲敌胡定欣「让奖」：「系啦！定欣你唔好攞喇！」
胡定欣冇表态
虽然胡定欣曾经连夺两届视后，但子羚唔敢要求好姊妹「让奖」：「要讲公平嘅，我谂佢应该仲想攞奖，不过，班姊妹见到我有正评都戥我开心，杏儿最爆，佢带笑喺群组开声话『系啦！定欣你唔好攞喇！』紧接又同我讲『定欣ok㗎喇！唔使理佢。』」至于定欣有何反应呢？子羚却说：「佢可能忙工作冇回应呀，最好齐齐有份啦。」